BUONGIORNO

hehey,

han denkt ich schrieb wiedr mal chli oeppis i min blog:)

jetzt bini scho 3 moenet da und i 2 chumi au scho wiedr hei..d'ziit ish aifach gfloge.
jetzt hemmr na 1 monet schuel und nachr hani na 1 monet ferie=) am 24. mai goemmr as konzert vom jovanotti!!-freu mi scho meega!

endi mai gits au wiedr es camp mit afs:) denn treffi wiedr uu viel lueet vo de ganze welt!

jetzt hani amigs 4-5 mal i de wuche tanztraining. mir hend ebe im mai mehreri tanzuftritt!isch mega laessig!!mir mached latino und hiphop..

gestr und vorgestr simmr amene esse gsi..man o man,2 taeg lang aifach nur esse:) en zio vo de maria het 62 matrimonio gfiiret (wow) und d'fruendin vo ihre het en tag vorher ihre 40. geburtstag gfiiret..bin also vollgstopft worde mit esse:) es ish abr au aifach zuu guet=)

gestr abig simmr am 10ni na go bowle und nachr is kino zum 2te mal "step up 2" luege..de film isch aifach soo cool!! choenten 1000ig mal luege:)

jaa..was gits sus na so?!
iaa..s'wettr wechslet immr wiedr chli ab,am leschte sunntig und mentig hemmr 30 grad gha und huet isches 24 grad,jedoch bewoelkt..und geschtr hets gregnet..es wechslet also immr chli..das seg abr normal im april.im mai soetts denn abr richtig summr sii..denn goemmr denn amigs am sunntig und evtl. au mentig as meer.nur mir fraue=)am gerardo (papà) gfallts meer noed soo..er gaht noed gern go suennele und bade (erinneret sehr a min papa:)
jaa und de luca gaht liebr is schwimmbad da mit sine fruende..

am 1.mai hemmr frei,denn goemmr am morge frueh ufen bus und fahred uf rom.dete ish de ganz tag es konzert mit verschiedene saengr.am abig spat choemmr wiedr hei.ich gah mit de francesca und mit de eleonora,e kollegin vo ihre.wird sichr uu laessig!!


im juni gahni wahrschindli namal es paar uf caserta.d'catherine chunt au..han sie i de wuche vom interscambio troffe,sie wohnt in italie in piacenza..-leidr wiit weg (noechi milano)das waered 9 stunde zug und sehr tuer..drum traeffed mr ues evtl. bi dere familie womr gwohnt hend und sind es paar taeg mit de andere vo caserta untrwegs.

jaa..und nachr neigt sich denn mit ufenthalt scho bald am endi zue..:(
freu mi abr natuerli mini familie und fruende wiedr z'gseh.denke abr,dass de abschied da scho rechd hert wird sii..mal luege.


macheds guuet und bis bald!!

carissimi saluti dalla vostra alessandra


p.s.
mim nonno und am valentin moechti scho jetzt ganz,ganz herzlich zum geburtstag gratuliere!!(K)- wuensche eu nur s'BESCHTE!!