interscambio a caserta-era una settimana divertentissima:)

wienr ia scho wuessed bin ich die letscht wuche in caserta gsi.
die wuche ish en volle erfolg gsi:) ich ha soo viel erlebt,vieli neui fruendschafte choene knuepfe und mich jede tag amuesiert.
ich bin zeme mit de emma-sie chunt vo annapolis usa und wohnt in sardegna in italie-binere mega nette familie dihei gsi.mir hend e eignis appartment gha mit chuchi,bad,zimmer,pc..mir hend ues ufjedefall uu wohl gfuehlt:)
d'vittoria (mamma) het ues jede tag fein bechocht.ues hets also a nuet gfaehlt:)

ich bi glaub nanie so viel gfloffe,wie i dere wuche:)
jede tag hemmr e volls programm gha.am sunntig ish familietag gsi.denn simmr uf napoli gange und hend mega schoeni foeteli choene mache,will mr 27 grad gha hend und strahlendi sunne:)
am mentig hemmr denn zerschte mal alli andere ustuschschueler kenneglernt.wie gseit,es sind wiedr uu viel laendr vrtrete gsi.ish uu interessant gsi mit andere uebr ihri erlebniss in italie z'rede. s'gfallt fascht jedem da im schoene italie:)han au nuet anders erwartet..
ufjedefall bini amigs mit de catherine zeme gsi,sie chunt vo san francisco (soo laessig)sie wohnt in italie in piacenza..leidr wiit weg vo mir:( abr han scho e iiladig fuer de nechscht summr uf californie z'cho=)
mit de suzanne vo norwege hani au uu viel spass gha und natuerli mit de emma.sie isch au vo de usa.(maryland)
de abschied isch ues uu schwer gfalle..abr mir wend unbedingt z'vierte es reisli uf amerika mache..:)

okay..zrugg zum programm:
am mentig simmr "la reggia di caserta" go aluege. ish en wunderschoene Palast mit traumhaftem garte wo sich 3 uu schoeni springbrunne befindet.d'luet vo caserta segen immr dass de palast schoenr seg als de vo versailles=) isch abr au wuerkli uu schoen!!
ufjedefall hemmr zerscht de palast besichtigt,er het uerb 1000 zimmer..mir hend abr zum glueck noed alli agluegt:)nachr hemmr zmittag gesse im schoene garte und chli fuessball und volleyball gspielt.

am abig hemmr denn na en "giro per caserta" gmacht mit allne.mir sind immr mit de volontari zeme gsi.sie sind au mal mit afs im usland gsi.sind also i uesere generation,was natuerli vo vorteil isch:)

am zischtig simmr pompei go besichtige.wow-das ish aifach e riiiese stadt.hetti nie denkt!
mir sind de ganz tag untr de fuerig vomene volontari,wo sich sehr guet uskennt dete,umegloffe i dere riise stadt.isch uu interessant gsi!!am abig simmr denn abr sooo mued gsi,dass mr nueme in usgang gange sind.

am mittwuch hemmr diversi schuele in caserta bsuecht und ues chli vorgstellt und mit de schuelr gredet.einigi sind uu begeischtert gsi vo afs und wend viellicht au es ustusch jahr mache.

am namitag hemmr ues chli im park vo caserta amuesiert..mir sind go "tuetschiauto" fahre hend gelato gaesse:)

am abig simmr denn alli ine mega stylishi bar.mir hends uu luschtig gha!!=)

am dunschtig simmr uf napoli..
mir gfallt die stadt soo guet.und es stimmt uebrhaupt noed,dass me nur abfall gseht.ich han gnau nur 1 mal en abfallhuufe gseh und das isch usserhalb vo napoli gsi.s'isch e wundrschoeni stadt.bsundrigs de lungomare isch uu schoen!!

mir sind am mittag go pizza esse.ich seg eu:ich han die bescht pizza vo mim lebe dete gesse:)mhm..

am fritig simmr wiedr go verschiedeni schuele aluege am abig anes konzert mit napoletanischer musig:)s'isch mega abgange.mir vo intercultura sind alli am tanze gsi.es sind alli so offe und me het aifach immr spass:)
nachr gege die 11i simmr alli mitenand inklusive familie go pizza esse imene schoene restaurant.am 2 simmr aefang dihei gsi.

am samschtig morge het uu feschd gregnet,drum simmr go shoppe is 2. groeschte shopping center vo italie..ish aifach riesig!!
am namitag hemmr de gmeindpraesident bsuecht.er het ues herzlich begruesst und nachr sind alli afs studente wiedr zeme in usgang,ish ia de lescht abig gsi.bis am 3 simmr undrwegs gsi in caserta.mir hends soo luschtig gha!leidr ish denn abr de aschied truurig gsi..


am sunntig bini denn wiedr heicho.isch au wiedr schoen,das z'sii.
mir gfallts uu guet da in benevento.


macheds guet,euri alessandra