pasqua ed altre cose

salve,salve.<3


han denkt ich mach wiedr mal en iitrag:)

aso mir gahts nach wie vor super guet da!gnuesse jede tag!!:) momentan hemmr gad ferie,leidr abr nur 6 taeg..am mittwuch muessi scho wiedr id schuel.
momentan regenets gad sehr viel und s'isch uu chalt.i de schwiiz isches ia glaub au noed gad super wettr..hoffemr das de fruehlig bald wiedr zrugg chunt.

am vergangene mentig bin am konzert vom biagio antonacci gsi.bin mit de francesca,de claudia,minere "mamma",e fruendin vo ihre und ihrere schwoeschtr gange.ich seg eu ish meega schoen gsi!!er macht uu schoeni musig!halt italienischi,das het mr scho immr gfalle:) d'francesca,d'claudia und ich sind ganz noech bi de buehni gsi.die andere (aeltere)hend hockend z'konzert gnosse:)

mir sind erschd am 1 wiedr dihei gsi..am naechschte tag hemmr leidr muesse id schuel.d'kekka het ebe en duetsch tescht gha. (denn hemmr ia faschd muesse gah:))

ufjedefall isch das konzert en volle erfolg gsi:) d'maria (mamma) het ues das uf de valentinstag gschenkt.-soo lieb!



biagio antonacci (die schoenste liedr sind:"convivendo" und "iris")




am mittwuch hemmr i de schuel chli oschtere gfiiret.ich seg eu..wenns heisst in itale : festeggiamo?! denn isch das de ganz morge esse.ich han glaub nanie soviel "dolci" gesse wie a dem mittwuch. alli hend irgendoeppis mitbrocht. i de letschte stund hemmr denn es riiese ei us schoggi gaesse und spumante dezue trunke mit de duetsch lehrerin:) isch voll laessig gsi. han nachr de ganz tag nuet meh gaesse.die chueche,rustici und schoggi simmr z'feschd ufglege:)
da freued sich d'kind,abr au die erwachsene mega uf d'oschtere.meh vrbringt de sunntig mit de familie und isst de ganz tag:)mal luege obi das schaffe..

am mentig isch pasquetta.das isch de ostermentig.denn goemmr zu de claudia is feriehuus ufs land.-10 fraue^^ das wird au na oeppis!mir hend d'moeglichkeit zum tennis, fuessball und anderi sache d'spiele.mir schlafed denn dete.mal luege,oebr au wuerkli schlafed.mit dene fraue isch aifach immr es z'grosses fescht:) mir goend more na go poschte in benevento.mir choched denn selbr.natuerli nur s'beschte vom beschte:)

wenr gsehnd treit sich da immr alles um s'esse:) in italie isst aifach jede gern.und noed gad viel lueged uf ihri linie:) han au scho bitzli zuegnoh..abr s'haltet sich in grenze:) mal luege,wieni usgseh,wenni i 3 moenet wiedr heichume..=)abr hey.weme in italie isch,muess me doch alles probiere.und ich seg eu,ich han bis jetzt na nie oeppis gruesigs gaesse:)


macheds guet und bis bald!
ah ia: buona pasqua a tutti!!

tanti bacini da me.<3
alessandra