es paar bildli

germania,bosnia e svizzera:)


d'luisa vo duetschland und ich.

d'uussicht vo uesem hotel




am strand vo sorrento

bin die letscht wuche ja im camp gsi indr noechi vo sorrento.
ich seg eu, die landschaft dete isch en traum.und wienr uf de foeteli gsehnd ish d'uussicht au wundrbaar vom hotel uus!!
das treffe isch wie immr uu interessant xhi.han wiedr vieli neuii luet vo de ganze welt kenneglernt und vieli hani au scho kennt.
es isch es sehr emotionals zemetreffe gsi.mir hend vieli diskussione gha-druebr wies wird sii weme heichunt.vieli hend problem mit dem.
mir hend langi,langi gspraech gfuehrt und am letschte abig sind glaub aifach alli am bruele gsi.d'tatsach dassme sich viellicht niemeh im laebe gseht,isch scho sehr emotional.ich han uu gueti fruenschafte knuepft durch afs-fruenschafte,wo sehr,sehr speziell sind.mir hend z'gliiche erlebt und das bindet einem sehr anenand.

THEMAWECHSEL:
d'schuueeeel isch fertig!!:) gestr hani au wiedr vo einige muesse abschied neh,woni wahrscihndli i de noechscte 3 wuche nueme gseh..vo mim italienisch professor hani na es gschaenkli uebrcho!-so en schatz:)
au sus,isch en sehr schoene abr au truurige tag xhi.

i dem monet womr nabliibt da hani sehr viel plaen.ich werde mehreri taeg uf napoli zunere oestrichische und duetsche fruendin.denn machemr chli shopping goend as meer odr mached sus oeppis.denn werdi au mit dene vo caserta einiges undrneh.hauptsaechlich isch abr meer agseit.:)

und sus bini da,gahne is schwimmbad mit fruende,schaffe a mim album woni gstalte uebr italie,odr bi chli bi de nonna am oeppis helfe:)


more gahni mit de maria,minere gastmamma uf capri:)freu mi scho soo..isch "d'isola d'amore"..
dete hend die riiche napoletaner ihri feriehueser:)


macheds guet und bis in "scho 26 taeg"..

euri alessandra